توركو
بو نه ني سسي دي نه كامان سسي
هيجرانين هارايي هايي دي داغلار
بير سويوخ اوره ك ده بير ياد قاپيدا
بوگون سئوگيليمين تويودو داغلار
مكتوبلار شكيللر گوزه درد اولوب
عهديميز عشقيميز بيزه درد اولوب
كوهنه خاطيره لر تزه درد اولوب
آرزو اوره گيمده اويودو داغلار
شجاعت دييلم من اولموشام كول
دردينه شريكم آي ساري بولبول
سولدو چيچك سولدو چمن سولدو گول
تورپاغدا گونشده سويودو داغلار
بؤلوم : یازار : افشار 1 باخیش
دنيادا
چيرپينما اوره گيم دويونمه قلبيم
كيچيلمه دوشمنه اگيلمه يادا
اودلار اولكه سينين اوجاليب باشي
دئييلير شهرتي بوتون دنيادا
آه چكمه غم يئمه چوخ باخما يولا
آغلاما سيزلاما ائيله مه نالا
چوخ چكمه ز يئته رسن يئنه وصالا
دردين آرتيب اولوب حددن زيادا
پارچالانما اوره ك يارالانما سن
تزه بوتوولندين پارالانما سن
وفالي دوستوندان آرالانما سن
دولان آرخاسينجا دولان پيادا
چتيندير اولمه دن يامان آيريليق
ائيلدي قدديمي كامان آيريليق
سيخسادا <حسيني> زمان آيريليق
دوستوندان الچكمز دونمز مبادا
بؤلوم : یازار : افشار 0 باخیش